Ledig engasjement som salskonsulent i Samlaget.
Samlaget har ledig engasjement som salskonsulent i 100 % stilling frå og med august til og med desember 2012. Konsulenten vil jobbe med marknadsføring, lanseringar og sal av bøker innan skjønnlitteratur for vaksne, barn og unge og sakprosa. Konsulenten vil jobbe særleg med sal og kontakt med bokhandel. Vi søkjer ein utoverretta, energisk, kreativ og positiv seljartype som er glad i å lese. Erfaring med sal er ein fordel. Vi tilbyr ei spennande stilling på ein arbeidsplass med mykje kreativt spelerom. Stillinga inkluderer ein del reising. Arbeidsspråket i Samlaget er nynorsk.





